Jurnalist yeddi il müddətinə həbs olunub
29.11.2024 17:09
Pekin məhkəməsi Çinin Kommunist Partiyası ilə əlaqəli Guangming Daily qəzetinin bir bölməsinin keçmiş müavini və redaktoru Dun Yüyüyə casusluq ittihamı ilə 7 il həbs cəzası verib. Bu barədə Reuters onun ailəsinin açıqlamasına istinadən məlumat yayıb.
Dun Yüyü 2022-ci ildə yaponiyalı bir diplomatla nahar edərkən saxlanılıb. Xüsusi xidmət orqanları yapon diplomatı bir neçə saat saxlayıb ki, bu da Yaponiya Xarici İşlər Nazirliyinin etirazlarına səbəb olub. Dun Yüyünün ailəsinin məlumatına görə, hökm sənədində jurnalistin görüşdüyü iki yapon diplomatı "casus təşkilatının agentləri" adlandırılıb. Dun Yüyü peşə fəaliyyəti ilə əlaqədar mütəmadi olaraq xarici diplomatlar və jurnalistlərlə görüşüb.
O, Guangming Daily qəzetində 1987-ci ildən çalışıb. Öz köşələrində birbaşa olaraq ÇXR rəhbərliyini tənqid etmədən mülayim islahatlar tərəfdarı olub.
2007-ci ildə Harvard Universitetində Neyman təqaüdü alıb və sonradan Yaponiyanın universitetlərində dəvətli müəllim kimi fəaliyyət göstərib.
N.Təbrizli
www.anews.az
Foto 
Video 
