AzVision.az erməni mtəbuatına istinadən xəbər verir ki, bunu jurnalistlərə açıqlamasında nazir özü deyib. "Tatulyan nazirə hansı məsləhətlər verirdi” sualına cavabında Nalbandyan bildirib ki, biznesmen Rusiyanın cənub bölgələrində erməni icma qurumlarının dəstəklənməsi məsələlərinə köməklik edib. 

Eyni zamanda nazir, "Tatulyanın kriminal dünya ilə əlaqəli olması Ermənistan rəhbərliyini narahat edirmi” sualını cavabsız qoyub. 

Xatırladaq ki, ABŞ Rusiya və keçmiş SSRİ-dən olan 10 kriminal avtoritetə qarşı sanksiyalar tətbiq edib. Həmin siyahıda Ruben Tatulyanında adı var. 

Məlumatda bildirilir ki, bu şəxslərin hamısı ABŞ, Rusiya, Yunanıstan, İspaniya və Ukrayna fəaliyyət göstərən "qanuni oğrular” təşkilatı ilə əlaqəlidirlər. Sanksiyalar çərçivəsində ABŞ vətəndaşlarına sadalanan şəxslərlə biznes fəaliyyəti qurmağa icazə verilməyəcək. Bundan əlavə siyahıda adı olanların ABŞ-a girişi qadağan olunub, onların ölkə ərazisindəki hesabları dondurulub.