Xocalı faciəsindən bəhs edən film “Al Jazeera” kanalında
09.09.2016 12:16
Sentyabrın 10-da Bakı vaxtı ilə saat 11.00-da Qətərin "Al Jazeera” televiziya kanalında (doc.aljazeera.net/البث-الحي) ABŞ və Litva kinematoqrafçılarının birgə istehsalı olan "Sonsuz dəhliz” ("Endless corridor”) müstəqil sənədli filminin nümayişi olacaq.
Filmin kanalda nümayişi Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən "Xocalıya ədalət!” təbliğat-təşviqat kampaniyası çərçivəsində Avropa Azərbaycan Cəmiyyətinin (TEAS) təşkilatçılığı ilə baş tutacaq.
TEAS-dan Trend-ə verilən məlumata görə, "Sonsuz dəhliz” sənədli filmi şahid ifadələri əsasında lentə alındığı üçün Xocalı hadisələrinin bütün reallığını əks etdirir. Film beş il müddətində böyük əmək sərf edilərək hazırlanıb. Xocalıda baş vermiş kütləvi insan qırğınını daha dərindən dərk etmək üçün bu film əvəzsiz ekran əsəridir.
Xatırladaq ki, filmin dünya üzrə ilk premyerası 2014-cü il iyulun 1-də Londonda Britaniya Film və Televiziya İncəsənəti Akademiyasında (BAFTA) keçirilib. Təqdimatda Heydər Əliyev Fondunun vitse-prezidenti Leyla Əliyeva da iştirak edib.
"Sonsuz dəhliz” filmi prodüserlər Aleksandras Brokas (Litva) və nüfuzlu "Grammy Award” mükafatçısı Cerald Rafşun (ABŞ) tərəfindən çəkilib. Film britaniyalı aktyor, BAFTA mükafatçısı Ceremi Ayronz tərəfindən səsləndirilib.
2015-ci ildə beynəlxalq səviyyədə uğurla keçən premyerasından sonra "Sonsuz dəhliz” filmi bütün dünyada kinotənqidçilər tərəfindən rəğbətlə qarşılanıb. Bu film Madrid şəhərində keçirilən "Tenerife” Beynəlxalq Film Festivalında "Ən yaxşı sənədli film” və "Sənədli filmin ən yaxşı rejissoru” mükafatlarına, Milan Beynəlxalq Kinematoqrafçılar Festivalında "Sənədli filmin ən yaxşı montajı” mükafatına, eləcə də ABŞ-da keçirilən Akkolade Qlobal Film Müsabiqəsində iki mükafata – 2015-ci ilin may ayında "Ən yaxşı tamaşa” və 2016-cı ilin yanvar ayında "Humanitar” mükafata layiq görülüb.
Film "Xocalıya ədalət” təbliğat-təşviqat kampaniyası çərçivəsində Türkiyənin "TRT 1”, "Kanal 24”, "CNN Türk”, Albaniyanın Milli Televiziyasında, İsrailin "Channel 1” və "Eurochannel” televiziya kanalında nümayiş etdirilib.
www.ann.az
Youtube
Bizi Youtube-da izləyin
Oxşar xəbərlər
Oxşar xəbərlər
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Foto
Video
