Kamal Abdullanın trilogiyası Rusiyada
09.09.2016 21:02
Görkəmli Azərbaycan yazıçısı Kamal Abdullanın "Yarımçıq əlyazma” - "Sehrbazlar dərəsi” - "Unutmağa kimsə yox...” adlı romanlardan ibarət trilogiyası Rusiyanın məşhur "Художественная литература” тəşriyyatı tərəfindən "Qarağacın kölgəsində” adlı kitabda (Под сенью Карагача. Москва, "Художественная литература” nəşriyyatı, 2016-cı il, 728 səhifə) bir yerdə nəşr edilib.
Müxtəlif vaxtlarda dünyanın aparıcı dillərində 20-dən çox ölkədə dərc olunan bu romanlar müxtəlif süjet xəttinə, müxtəlif zamanlarda baş verən hadisələrdən və müxtəlif qəhrəmanlardan bəhs etdiyinə baxmayaraq, ilk dəfə bir ədəbi çevrəni qapayan və bir-birinə dərin ədəbi lağımlarla bağlanan trilogiya halında nəşr olunur.
"Qarağacın kölgəsində” kitabı müəllifin rus oxucusuna müraciəti ilə başlayır. Müəllif burada oxucu ilə romanları barədə fikir mübadiləsi aparır, bir növ əsərlərdə gizlənən mətləblərdən oxucunun xəbərdar olması üçün yardımçı olur.
Kitabdakı ilk roman "Yarımçıq əlyazma” mərhum sənətkarımız Vaqif İbrahimoğlunun, digər iki roman - "Sehrbazlar dərəsi” və "Unutmağa kimsə yox...” isə rus yazarı Lüdmila Lavrovanın tərcüməsində təqdim olunur.
"Qarağacın kölgəsində” kitabına son sözü "Художественная литература” Nəşriyyatının direktoru, rus yazıçısı, akademik Georgiy Pryaxin yazıb.
Ürək genişliyi ilə yazılan bu sonsözdə Azərbaycan yazıçısının əsərlərinə yüksək qiymət verilir və onun mətnləri dünya ədəbiyyatının korifey yazarlarının əsərləri ilə müqayisə edilir.//525.az
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Foto
Video
