Türk Dünyasının tanınmış sənətçiləri Bakıya gəlir

ANNET.Az-ın Aktual.az-a istinadən məlumatına görə, qonaqları ölkəmizə Azərbaycan Türkiyə Evinin (ATEV) rəhbərliyi dəvət edib.

Türkiyədən tanınmış sənətçi Əhməd Şəfəq, Yakutyadan Yuliyana Krivoşapkina və Aleksandr Diaçkovski, Sordan (Sibir ərazisindən - red.) tanınmış sənətçi Çiltis Tannaqaşeva, Altaydan İrina Kenzina, Marina Saksayeva, Qırğızıstandan Fatima Sultanova, xalq sənətçisi Kenjebek Sadırbekov bir həftə ərzində Azərbaycanda qonaq olacaq, mədəniyyət xadimləri və media mənsubları ilə görüşəcək.

Türk dünyası sənətçilərinin Azərbaycana dəvət olunmasında məqsəd qədim türk mənəvi dəyərlərini yaşadan türk toplumları arasında mədəni əlaqələrin inkişaf etdirilməsi və onların tanıdılmasıdır.