“Yeni il” rəsm və tətbiqi sənət sərgisi

Dekabrın 17-də Şəmkir şəhərində fəaliyyət göstərən “Zəka” Gənclərin İntellektual İnkişaf və Yaradıcılıq Mərkəzinin müasir incəsənət qalereyasında bu qurumun rəsm və dekorativ tətbiqi sənət dərnəyinin üzvlərinin “Yeni il” sərgisi keçirilib.

Mərkəzdən AzərTAc-a verilən xəbərə görə, sərgidə əl işləri, kətan üzərində yağlı boya ilə çəkilmiş rəsmlər, dekorativ tətbiqi sənət üsulu ilə hazırlanmış kuklalar, papye-maşe üslubunda dekorativ Şaxta baba, Yeni il yolkaları və bəzəkləri nümayiş olunub.

Sonda iştirakçılar sərgi haqqında təəssüratlarını, arzularını, təklif və rəylərini onlara paylanmış blanklara yazıblar.