• $ 1.7
  • € 2.0054
  • ₽ 0.021663
  • ₺ 0.0427
  • £ 2.3364

Laçında şəhər infrastrukturunun 80 faizi tamamlanıb, 430 nəfər işlə təmin olunub

Laçında şəhər infrastrukturunun 80 faizi tamamlanıb, 430 nəfər işlə təmin olunub
11.11.2023 17:22

Laçında aparılan işlər sürətlə davam etdirilir. Rayon sakinlərinin əmək fəaliyyəti üçün də işlər görülüb.

Bunu "Report”un Qarabağ bürosunun Laçına ezam olunan əməkdaşına açıqlamasında "Bakı Abadlıq Xidməti” MMC-nin nümayəndəsi Aqil Səfərəliyev bildirib.

Onun sözlərinə görə, Laçında hazırda 712 tikilidə işlər davam etdirilir: "Onlardan 9-u çoxmənzilli binadır. Aparılan abadlıq tədbirləri çərçivəsində qeyri-yaşayış obyektləri və kommunikasiyalarla bağlı da işlər görülüb. Şəhərdə 75 qeyri-yaşayış obyekti, həmçinin kommunikasiya xətlərinin hamısı – təbii qaz, su, işıq və rabitə xətləri tamamilə yenidən çəkilib. Bundan əlavə, ümumi kanalizasiya sisteminin inşası başa çatdırılıb. Şəhər bütünlüklə işıqlandırma sistem ilə təchiz edilib. Ümumilikdə şəhər infrastrukturu ilə bağlı işlərin 80 faizi tamamlanıb”.

Aqil Səfərəliyev Laçında görülən işlər çərçivəsində buraya köçürülən ailələrin əsas məşğuliyyəti və əmək fəaliyyəti barədə də danışıb. O bildirib ki, hazırda Laçında yaşayan ailələrin əmək məşğuliyyəti sahəsində işlər görülür: "Bu istiqamətdə bəzi sahələr üzrə işlər yekunlaşmaq üzrədir. Belə ki, rayonun Zerti kəndi ərazisində yaradılan aqroparkda 50-yə yaxın fabrik və müəssisənin yaradılması nəzərdə tutulub. Bakı Abadlıq Xidməti tərəfindən inşa olunan bu sənaye müəssisələri ilə laçınlı ailələr daimi işlə təmin olunacaq. Artıq aqroparkda mebel və yun emalı müəssisəsi daxil olmaqla, 5 fabrik fəaliyyətə başlayıb. 50-yə yaxın müəssisənin istismara verilməsi ilə 1200-1300 nəfər Laçın şəhər sakini işlə təmin olunacaq. Hazırda fəaliyyətə başlayan müəssisələrdə 430 nəfər Laçın sakini işləyir”.

"Bakı Abadlıq Xidməti” MMC-nin nümayəndəsi söyləyib ki, Zerti Aqro və Sənaye Parkında yerləşən "Zootopia” (qoyun və keçi saxlama məntəqəsi), "Fəyaz bağı” (istixanalar), "Gusto” (ət kəsimxanası), "Həkəri" (balıq təsərrüfatı), "Aydınoğlu” (mebel fabriki) fəaliyyət göstərəcək.

O bildirib ki, Laçın dağlıq ərazidə yerləşdiyi üçün burada havalar tez soyuyur: "Bu amil nəzərə alınaraq əhalinin qış istilik ehtiyatı artıq təmin edilib. Üstəlik, Laçın şəhəri noyabrın 8-dən etibarən təbii qazla təmin olunub. Sakinlərin istifadəsinə verilən evlərə kombi istilik sisteminin quraşdırılması da nəzərdə tutulub. Evlərdə və binalardan istilik sistemləri əvvəlcədən çəkilib, otaqlarda qızdırıcılar quraşdırılıb”.

Laçın şəhərinə indiyədək 315 ailə, yəni 1205 nəfər köçüb. Bu ay Laçına daha 75 ailənin qayıtması gözlənilir. Zabux kəndinə 94 nəfərlik 21 ailə geri dönüb. Ümumilikdə Laçın rayon ərazisinə 336 ailə, yəni 1299 nəfər köçürülüb.









www.anews.az
Oxşar xəbərlər
Oxşar xəbərlər
Rusiyadan telefonla Azərbaycan saytlarına girmək mümkün olmur
Cəmiyyət 14:23
Rusiyadan telefonla Azərbaycan saytlarına girmək mümkün olmur
Dövlət qurumlarına qarşı 6 ayda 504 kiberhücum cəhdi qeydə alınıb
Cəmiyyət 12:46
Dövlət qurumlarına qarşı 6 ayda 504 kiberhücum cəhdi qeydə alınıb
Bəzi rayonlara yağış yağıb, külək güclənib
Cəmiyyət 12:20
Bəzi rayonlara yağış yağıb, külək güclənib
Həftəsonu 41 mindən çox abituriyent üçün qəbul imtahanı keçiriləcək
Cəmiyyət 11:10
Həftəsonu 41 mindən çox abituriyent üçün qəbul imtahanı keçiriləcək
Sevilyada İnkişafın Maliyyələşdirilməsi üzrə Qlobal Konfransı Azərbaycan təşviq edib
Cəmiyyət 11:03
Sevilyada İnkişafın Maliyyələşdirilməsi üzrə Qlobal Konfransı Azərbaycan təşviq edib
“İrəvan xanlığının mətbəxi” kitabı ingilis dilində təqdim olunub
Cəmiyyət 11:00
“İrəvan xanlığının mətbəxi” kitabı ingilis dilində təqdim olunub
Masazırda açıq ərazidə yanğın söndürülüb - Yenilənib
Cəmiyyət 00:10
Masazırda açıq ərazidə yanğın söndürülüb - Yenilənib
Sabah bu ərazilərdə işıq olmayacaq
Cəmiyyət 23:19
Sabah bu ərazilərdə işıq olmayacaq
Qarabağ suvarma kanalınında batan yeniyetmənin meyiti tapılıb
Cəmiyyət 22:15
Qarabağ suvarma kanalınında batan yeniyetmənin meyiti tapılıb
Anews TV

Rəsmi Youtube kanalımız

Abunə ol