APA-nın məlumatına görə, 9 yaşlı Ksana xərçəng xəstəliyindən vəfat edib.
Son 5 ayda osteosarkoma – sümük xərçəngi ilə mübarizə aparan qızın müalicəsi fayda verməyib. Bunu L.Enrikenin özü sosial şəbəkədə açıqlayıb: "Bu gün qızımız Ksana 9 yaşında osteosarkoma ilə 5 aylıq intensiv mübarizədən sonra vəfat etdi. Bu aylar ərzində sevgi nümayiş etdirən hər kəsə təşəkkür edirik. San-Xuan-de-Deu və San-Pau xəstəxanalarının əməkdaşlarına da minnətdarıq. Ksana, biz sənin üçün darıxacağıq. Amma həyatımızın hər günü səni xatırlayacaq və yenidən görüşəcəyimizə ümid edəcəyik. Sən bizim ailənin yolgöstərən ulduzu olacaqsan”.
L.Enrike üzləşdiyi faciə ilə əlaqədar çoxsaylı başsağlığı alıb. Onun futbol həyatında komanda yoldaşı, rəqibi olan hər kəs ispaniyalıya dəstək olub. Türkiyəli futbolçu Arda Turan da qızını itirən ataya başsağlığı verməyi lazım bilib. O, bunu sosial şəbəkədəki paylaşımı vasitəsilə edib: "Sevgili bəyim, qızın Ksananın itirdiyin üçün çox üzgünəm. Bütün qəlbimlə siz və ailənizin acısını paylaşıram”.
Qeyd edək ki, 49 yaşlı L.Enrike bu ilin iyununda yığmanı tərk edib. Bunadək isə millinin üç oyununu ailə məsələlərinə görə buraxmalı olub
www.anews.az
Bizi sosial şəbəkələrdə izləyin !
