Azərbaycanın müdafiə naziri Zakir Həsənov "İDEF - 2017” sərgisinə qatılacaq. Müdafiə Nazirliyindən İstiPress-ə verilən məlumata görə, general-polkovnik Zakir Həsənov Türkiyədə keçiriləcək Beynəlxalq Müdafiə Sənayesi Sərgisində iştirak edəcək. Artıq nazir İstanbul şəhərinə yola düşüb.
Azərbaycanın Müdafiə Sənayesi Nazirliyinin məhsulları da Türkiyədə nümayiş etdiriləcək. Müdafiə təyinatlı məmulatların sərgisi mayın 9-dan 12-dək olacaq. Bununla bağlı müdafiə sənayesi naziri Yavər Camalovun başçılıq etdiyi geniş tərkibli nümayədə heyəti Türkiyədə səfərdə olacaq.
Sərgidə dünyanın 50 ölkəsindən 300-dək şirkətin iştirakı gözlənilir.
www.ann.az
Bizi sosial şəbəkələrdə izləyin !
