Anews.az xəbər verir ki, mart ayında gündəlik neft hasilatı əvvəlki ayla müqayisədə 201 min barel azalaraq 31 milyon 960 min barelə düşüb.

OPEC-in Neft Bazarı Hesabatına əsasən, mart ayında qlobal neft hasilatı əvvəlki ayla müqayisədə gündəlik 180 min barel artaraq 98 milyon 150 min barel təşkil edib.

Hesabat dövründə OPEC-ə daxil olmayan ölkələrdə  neft hasilatı gündəlik 380 min barel artaraq 66 milyon 200 min barelə yüksəlib. OPEC-in xam neft istehsalı ötən ay əvvəlki aya nisbətdə gündəlik 201 min barel azalaraq 31 milyon 960 min barelə enib.

Martda OPEC-in qlobal neft hasilatında payı 32,6 faiz təşkil edib.