Belçikalı müstəntiqlər DNT analizi nəticəsində Paris teraktının əsas fiqurantlarından olan Salah Əbdislamla əlbir olmuş digər terrorçunun kimliyini müəyyən edib.
ANS PRESS-in məlumatına görə, 24 yaşında olduğu deyilən Nəcim Laçroi 13 noyabr hücumlarından sonra qaçaq düşüb. Rəsmi bəyanata görə, o saxta şəxsiyyət vəsiqəsindən istifadə edib və DNT- izləri İŞİD-çilərin qaldığı evlərdə aşkarlanıb. Onun həmkarı Salah Əbdislam cümə günü Belçika və Fransa təhlükəsizlik qüvvələrinin reydi zamanı yaralı vəziyyətdə ələ keçirilib.
Terrorçu ən son anda fikrini dəyişib
Hazırda Belçikalı müstəntiqlərin suallarını cavablandıran və istintaqa vasitəçilik etməyə razılaşan şübhəlinin Fransaya ekstradisiya olunacağı gözlənilir. Müstəntiqlər Paris teraktı ilə bağlı araşdırmanı "çətin bir pazlla müqayisə edərək, "tam şəkilin” yığılması üçün hələ çox işlərin görülməli olduğunu bildirir.
Belçika prokuroru Frederik Van Lyunun sözlərinə görə, istintaqa məlum olub ki, Sufian Kayalın əsl adı Nəcim Laçroi olub, o 18 may 1991 ci ildə doğulub və Suriyaya 2013-cü ilin fevral ayında yollanıb. "İstintaq hələ başa çatmayıb, Paris dövlət prokurorunun bəyanatı ilə artıq tanış olmuşuq, terror aktında əli olan digər şəxslər aşkarlanmalıdır”.
Prokurora görə, Əbdislam hələ ötən ilin sentyabr ayında 2 həmkarı o cümlədən Laçroi ilə icarəyə götürülmüş maşınla iki dəfə Macarıstanın paytaxtı Budapeştə səfər edib. Səyahət zamanı olnlar saxta Belçika şəxsiyyət vəsiqələrindən istifadə edib.
www.ann.az
Bizi sosial şəbəkələrdə izləyin !