Binəli Yıldırımın Bakıya səfəri başa çatdı

Türkiyənin Baş naziri Binəli Yıldırımın Azərbaycana rəsmi səfəri iyunun 4-də başa çatıb.

ANN.Az AzərTAc-a istinadən xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Türkiyənin Baş nazirinin şərəfinə fəxri qarovul dəstəsi düzülmüşdü.

B.Yıldırımı və xanımı Semiha Yıldırımı hava limanında Azərbaycan baş nazirinin müavini Abid Şərifov və digər rəsmi şəxslər yola salıblar.