Savaş dərinləşir: Paşinyan oğlunu Qarabağdan çıxardı
24.05.2019 16:52
Ermənistan baş naziri Nikol Paşinyanın oğlu Aşot Paşinyan Yerevandan yeddi kilometr aralıda yerləşən Sovetaşen hərbi hissəsinə köçürülüb.
Paşinyan özü dəfələrlə bəyan edib ki, onun oğlu Dağlıq Qarabağda (Ermənistan tərəfindən işğal edilmiş Azərbaycan torpaqlarında - red.) xidmət edir. Ancaq erməni cəmiyyətində A.Paşinyanın daha rahat mühitdə Şirak vilayətində xidmət etməsi ilə bağlı fikirlər səslənirdi.
Burada daha bir vacib məqam var. Məlum olduğu kimi, Paşinyanla Qarabağ klanı arasında münasibətlər Robert Koçaryanın azadlığa çıxmasından sonra gərginləşib. Belə ki, bundan sonra məhkəmələri mühasirəyə aldıran Paşinyan Qarabağdakı qondarma rejimi əks-inqilabi fəaliyyətdə və torpaqları Azərbaycana satmaq cəhdində ittiham edib. Bunun ardınca "DQR” generalitetinin Paşinyan hakimiyyətini devirəcəkləri ilə bağlı and içdikləri barədə məlumat yayıldı. Bütün bunların fonunda Ermənistan baş nazirinin oğlunu Qarabağdan Ermənistana köçürtdürməsi həqiqətən də diqqət çəkir.
www.anews.az
Bununla bağlı erməni KİV-i məlumat yayıb.
Ermənistandakı sosial şəbəkə istifadəçiləri hesab edirlər ki, Yerevana yaxın hərbi hissəyə köçürməklə Paşinyan oğlu üçün daha rahat şərait qurmaq qərarına gəlib.
Öz növbəsində Ermənistan Müdafiə Nazirliyinin mətbuat katibi Artsrun Ovannisyan bu məsələni "Facebook” hesabında şərh edərkən bildirib ki, Ermənistan SQ istənilən hərbi qulluqçu müxtəlif vaxtlarda və müxtəlif yerlərdə müxtəlif münaqişələrdə və hərbi təlimlərdə iştirak edə bilər.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
