Hadi Rəcəbli nəvəsinin toyundan danışdı: "Burada pis nə var axı?"

Sosial şəbəkələrdə yayılan bir videogörüntüdə Hadı Rəcəblinin karantin qaydaların pozaraq, nəvəsinə Emin Ağalarova aid "Sea breeze" restoranında toy etdiyi iddia olunub. 

Məsələ ilə bağlı News24.az-a açıqlama verən Milli Məclisin sabiq deputatı Hadi Rəcəbli bu fikirləri səsləndirib: "Uşaqlar DOST xidmətindən qeydiyyatdan keçərək, 10 nəfər "Sea Breeze" restoranında açıq havada yemək yeyiblər. Min nəfər adam orada çörək yeyir. Burada pis nə var axı? Nə mən özüm, nə də ailəm iştirak etməyib. Zəng et, həmin restorandan soruş. Yaxud da dostlarım Hüseynbala Mirələmov və Eldar İbrahimovdan öyrən. Gör, kim olub orada? Bu qədər allahsızlıq olmaz. Mənim adımı heç yerdə çəkməyin. 150 nəfərlik toy olmayıb. Mən bugünkü jurnalistləri bilirəm. Siz bir az allahdan qorxun. Allah cəzalandırır, etməyin. Səhv edib, telefonu götürdüm”.

Daha sonra o, sözlərinə belə davam edib: "İki il bundan qabaq Elgizlə şəhid ailəsinin toyunda iştirak etdiyim fotonu yayıblar. Hazırda istirahətdəyəm, heç bir siyasətə qarışmıram. Ramiz Mehdiyevin nəvəsinin toyu ilə bağlı heç yerdə çıxış etməmişəm. DİN öz qərarını verib, bu barədə artıq nəsə demək istəmirəm. Bir az mənə imkan verin, istirahət edim, nə olar”. 

P.S. Baxmayaraq ki, Hadi Rəcəbli bizdən bu açıqlamanın yayılmamasını istəsə də, hazırkı jurnalistikanı Allahsız adlandırıb, kiçiltdiyi üçün sizə təqdim edirik. 
www.anews.az