Prezident İlham Əliyev Fransa Prezidenti Emmanuel Makronu təbrik edib

Prezident İlham Əliyev Fransa Respublikasının milli bayramı münasibətilə Fransa Prezidenti Emmanuel Makrona təbrik məktubu ünvanlayıb.

Dövlət başçısı məktubunda Fransa xalqını milli bayram münasibətilə təbrik edib, son telefon danışığı və ötən il Kopenhagendə keçirilən görüş zamanı Azərbaycan-Fransa münasibətlərinin mövcud vəziyyəti və perspektivləri ilə bağlı aparılan müzakirələrin dövlətlərarası əlaqələrdə yeni mərhələnin başlanmasına əsas verdiyini bildirib.

İlham Əliyev iqtisadi, mədəniyyət, təhsil və qarşılıqlı maraq doğuran digər sahələrdə əməkdaşlığın xalqların mənafeləri naminə tərəfdaşlıq ruhunda inkişaf etdirilməsinə ümidvar olduğunu qeyd edib.

Prezident məktubunun sonunda Fransa xalqına əmin-amanlıq və rifah arzulayıb.