"ABŞ cari siyasi istiqamətinə qarşı yönlənən prezident debatları kinə əsaslanır və məktəb həyətində düşən davanı xatırladır.” ANS PRESS-in məlumatına görə, bunu ABŞ prezidenti Barak Obama Dallas şəhərində (Texas ştatı – red.) çıxış edərkən bildirib. Prezident hesab edir ki, prezidentliyə namizədlərdən bəzilərinin bəyanatları "ağ yalandır”, çünki Amerika, Obamanın prezidentliyi zamanı nailiyyətlərə imza atıb və əvvəlki kimi "dünyanın ən güclü ölkəsidir”.
Obama rəqiblərinə "Amerikanı zəiflətmək istəyən satqınlar kimi yanaşmayan” namizədlərə dəstək olmağa çağırıb.
Öz nitqində prezident ad çəkməsə də, daha çox respublikaçıları və onların namizədlərini tənqid edib – Donald Tramp və Ted Kruzu. "Bu fənddən onlardan biri deyil həmçinin, bu ştatdan olan centelmen də istifadə edir.” (Respublikaçıların namizədlərindən biri Ted Kruz Texasdan olan senatordur.)
O həmçinin respublikaçıların onu ABŞ vətəndaşlarına həddindən artıq siyasi mədəniyyəti aşılamaqda günahlandırmağına cavab verib. "Burada artıq söhbət siyasi mədəniyyətdən getmir. Biz uşaqlarımıza siyasətin niyə məktəb davasına oxşadığını başa sala bilmirik. Bizim onları mitinqlərə aparmağa qorxmağımız və debatları izləməyə qoymamağımız düzgün deyil”, – deyə o əlavə edib.
ABŞ prezident seçkiləri bu ilin noyabrında baş tutacaq. Seçkilərdə namizəd qismində Demokratlar partiyasından Hilari Klinton və Berdni Sanders, Respublikaçılar partiyasından isə Con Keysik, Ted Kruz, Marko Rubio və Donald Tramp iştirak edirlər.
www.ann.az
Bizi sosial şəbəkələrdə izləyin !
