Qızıl medal Azərbaycanı Avropa Oyunlarında neçənci etdi?

20:00 | 28.06.2019
Belarusun paytaxtı Minskdə keçirilən II Avropa Oyunlarında sərbəst güləşçilərimizin iki qızıl medal qazanması ilə millimiz sıralamada önə çıxıb.
Oxu.Az xəbər verir ki, Azərbaycan millisinin aktivində hazırda 16 medalı var. 

Bunlardan ikisi qızıl, beşi gümüş və doqquzu bürünc medaldır. Hazırda millimiz 15-ci sırada qərarlaşıb. Ancaq Azərbaycan qazanılan medalların sayına görə yeddinci yerdədir.Bu gün isə Azərbaycan millisinin daha yüksək sıraya qalxmaq ehtimalı var. Belə ki, qadın güləşçilərimizdən Mariya Stadnik və Elmira Qənbərova qızıl, Alyona Kolesnik və Səbirə Əliyeva bürünc medal qazana bilər.

Yeri gəlmişkən, hazırda medal sıralamasına Rusiya başçılıq edir. Şimal qonşularımızda medal sayı artıq 72-yə çatıb. Bunlardan 32-si qızıl, 16-sı gümüş, 24-ü bürünc medaldır.
Meydan sahibi Belarusun qazandığı 55 medalın 19-u qızıl, 13-ü gümüş, 23-ü bürüncdür. İtaliya isə artıq üçüncü sıraya yiyələnib. İtalyanların qazandığı 19 medaldan səkkizi qızıl, altısı gümüş və beşi bürüncdür.
Qonşu Gürcüstan beşinci, Türkiyə isə 26-cıdır.

Qeyd edək ki, ümumilikdə 50 ölkədən 38-nin təmsilçisi medal qazanıb.

www.anews.az
loading...

Xəbər lenti