Rusiya Dövlət Dumasının böyük fraksiyalarından olan Liberal Demokrat fraksiyası Boris Yeltsin və Mixail Qorbaçovun cinayətkar kimi tanınmasını istəyib.
Modern.az Rusiya KİV-nə istinadən xəbər verir ki, fraksiya parlamentin gündəliyində "SSRİ prezidenti Mixail Qorbaçov və Rusiya prezidenti Boris Yeltsinin siyasi hakimiyyətlərinin cinayətkar elan olunması” barədə qanunun qəbul edilməsi təklifini irəli sürüb.
"SSRİ-nin dağılması, millətlərarası qovğalar, çoxsaylı hərbi konfliktlər, xəstəliklərin artması, alkoqol və narkotikdən asılı olanların sayının artması, milyonlarla insanların həyat səviyyəsinin 90-cı illərdə kəskin aşağı düşməsi – bütün bunlar təsadüfən baş verməyib”.
Liberalların təklif etdiyi qanun layihəsində Qorbaçov "yenidəndurma”sının və Yeltsin islahatlarının Rusiyaya ağır ziyan vurduğu qeyd olunur.
www.ann.az
Bizi sosial şəbəkələrdə izləyin !
