Bir neçə gün öncə vətəndaş tərəfindən Ramanda yerləşən
Qalanın ətrafında əkilən ağaclarla bağlı video yaylmışdı. Videoda ağacların əkilməsinin təşəbbüskarı olan Bakı Təhsil İdarəsi
tənqid olunaraq bildirilirdi ki, həmin ərazidə cəmi bir neçə ağac əkilib və
artıq ağaclar baxımsızıqdan quruyur.
Məsələ ilə bağlı Anews.az-ın sorğusuna cavab verən Bakı Təhsil
İdarəsi bildirib ki, həmin ərazidə ağacəkmə aksiyası 2018-ci ilin mayın əvvəllərində
keçirilib. Hazırkı şəkillərdən də göründüyü kimi, yaşıllıq zolağı salınmış ərazi
normal vəziyyətdədir. Təəssüflər olsun ki, yaşıllıq zolağının qarşı tərəfindəki
boş ərazinin kiçik bir hissəsi kimlərsə tərəfindən yandırılıb və şəkli çəkilərək
yanlış məlumat verilib.
Onu da qeyd edək ki, yaşıllıq zolağı salınmış həmin ərazi Sabunçu Rayon İcra Hakimiyyətinin müvafiq razılığı əsasında müəyyənləşdirilib.
Məsələ ilə bağlı Anews.az –a açıqlama verən ekoloq Telman Zeynalov bildirdi ki, insanlar son
zamanlar yaşıllıq salmağa maraqlı deyil. Amma yaşıllığın insanlar üçün əhəmiyyəti
daha böyükdür. Ona görə də yaradılan yaşıllıqlara nəzarət daha yaxşı səviyyədə olmalıdır.
Ümumiyyətlə isə yaşıllıqlara Ekologiya Nazirliyi, Yaşıllıq Departamenti, birdə ərazi
üzrə bələdiyyələr və İcra hakimiyyətləri nəzarət etməlidir.
Əgər meşə zolaqları
varsa ora Kənd Təsərrüfatı Nazirliyi, şəhərlərdə, parklarda olan ağaclara isə
Yaşıllıq Departamenti baxır.
Gülnar Nazimqızı
www.anews.az
Bizi sosial şəbəkələrdə izləyin !