"Son 10 ilin ən yaxşı qapıçısı Kasilyasdır" – Buffon

"Son 10 ilin ən yaxşı qapıçısı İker Kasilyasdır. O, hər zaman əlləri ilə yaxşı oynayıb".

Qol.Az-ın "Football İtalia"ya istinadən verdiyi məlumata görə, bu sözləri "Yuventus"un qapıçısı Canluici Buffon deyib.

İtaliyalı qolkiper dövrünün və son 3 ilin ən yaxşı qapıçısının adını açıqlayıb: "Əgər dövrümün ən yaxşı qapıçılarını seçməli olsam, Şmeyxel, Dzenqa, Palyuk və Subizarettanı qeyd edərdim. Son 10 ilin ən yaxşısı isə İker Kasilyas və Peter Çexdir. Manuel Noyeri də unutmaq olmaz. O, son 3 ilin ən yaxşı çərçivə qoruyucusudur. Noyer çıxışlarda, Çex isə bütün komponentlərdə inamlı təsir bağışlayır".