“Bizə Bakının istisi yox, “Qəbələ” problem yarada bilər” – Zahoviç
28.05.2020 20:39
"Maribor”un idman direktoru, Sloveniya futbolunun canlı əfsanəsi Zlatko Zahoviçin müsahibəsi
- Avroliqanın pley-off mərhələsində rəqibiniz olan "Qəbələ”nin Azərbaycan çempionatında "İnter”ə qarşı keçirdiyi oyunu canlı izlədiniz. Görüşlə bağlı nə deyə bilərsiniz?
- Ölkə çempionatı və Avroliqa görüşlər fərqli olur. "Qəbələ” yaxşı komandadır. Biz onlara hörmətlə yanaşırıq. Rəqib kimi bizim də məqsədimiz mərhələ adlamaqdır. Ona görə də qarşıdakı görüşə çox ciddi hazırlaşmalıyıq.
- "Qəbələ”nin hansı oyunçusu "Maribor”a daha çox problem yarada bilər?
- "Qəbələ”nin heyətində yaxşı oyunçuların sayı çoxdur. Amma hesab edirəm ki, komandanın lideri Filip Ozobiçdi. O, çox inamlı oyun göstərir.
- Ozobiç xorvatdı. Onu daha əvvəldən tanıyırdız?
- Xeyr, yalnız "Qəbələ”nin heyətindən tanıyıram.
- "Qəbələ” - "Maribor” cütündə hansı komanda favoritdir?
- Bunu demək çətindi. Futbolda hazırda favorit olmur. "Qəbələ”yə hörmətlə yanaşırıq. Bilirik ki, ötən il qrup mərhələsində çıxış ediblər. Bu il də ilk 3 mərhələni uğurla adlayıblar. Komanda taktiki cəhətdən çox güclüdür
- Faizlə şansları necə dəyərləndirərdiz?
- Bunu demək çətindi.
- 50-50-yə ilə də razı deyilsiz?
- Təbii ki, 50-50-yə söyləmək olar. Şanslar oyundan qabaq hər zaman bərabər olur. Bizim də heyətimizdə yaxşı oyunçular var. Mərhələ adlayacağımıza inanırıq.
- "Qəbələ”nin əvvəlki mərhələdə "Lill”i mübarizədən kənarlaşdırması sizin üçün sürpriz oldu?
- Bu gün hamı futbol oynamağı bacarır. İstər taktiki, istər fiziki baxımdan. Ona görə də hansısa nəticəni sürpriz saymaq düzgün olmaz.
- Gördüyünüz kimi Bakıda hava çox istidi. Bunu "Maribor” üçün əlavə çətinlik saymaq olar?
- Hava istidi, amma bu barədə çox düşünməyə dəyməz. Bizə Bakının istisi yox, "Qəbələ” problem yarada bilər. Lakin "Maribor” da zəif deyil. Qarşıdakı oyunlar hər iki komanda üçün çətin keçəcək.
- "Qəbələ” - "Maribor” oyunu bu gün olduğunuz "Dalğa Arena”da keçiriləcək. Stadionu bəyəndiniz?
- Arena yaxşıdı. Stadion yox, daha yaxşı oynamaq barədə düşünməliyik.
- Püşkün nəticəsinə əsasən ilk görüşdə "Maribor” meydan sahibi olmalıydı. Amma sonradan görüşlərin yeri dəyişdirildi. Bu, komandanızın lehinədir?
- Bu, bizim üçün çox yaxşı haldır.
www.ann.az
Oxşar xəbərlər
Oxşar xəbərlər
Foto 
Video 
