Ərdoğan Ukrayna və Rusiya arasında vasitəçilik təklif etdi

Türkiyə Prezidenti Rəcəb Tayyib Ərdoğan Ukrayna və Rusiya arasında vasitəçilik təklif edib, bu barədə Türkiyə Prezidenti Administrasiyasının Kommunikasiya İdarəsinin rəhbəri Fəxrəddin Altun öz tvitter hesabında bildirib.

"Bölgəmizdə daha bir müharibənin şahidi oluruq. Prezident Ərdoğan Rusiya və Ukrayna arasında vasitəçilik təklif etdi, çünki bizim hər iki ölkə ilə güclü əlaqələrimiz var”. BMT sistemində islahatlara dair çağırışlarımıza məhəl qoyulmadı və biz son böhranda bunun dəhşətli nəticələrini gördük. Çağırışlarımız eşidilsəydi, bu müharibənin qarşısını almaq olardı. Biz dəfələrlə məsələnin diplomatik yolla həllini tələb etmişik, amma indi müharibədir. Bizim qarşımızda bir reallıq var. Münaqişə dünyanı iki faciə ilə üz-üzə qoyur. Birincisi, bu, münaqişənin insani ölçüsüdür. Türkiyə bununla bağlı lazım olan hər şeyi edəcək. Digər regional münaqişələrdə olduğu kimi, indi də bu sahədə öncül olacağıq. İkincisi, bunlar həqiqətə qarşı amansız hücumlardır. Biz də bunun fərqindəyik. Biz dezinformasiya kampaniyalarına qarşı mübarizə üzərində işləyirik. Bu informasiya müharibəsində biz həqiqətin haradan gəldiyindən asılı olmayaraq onun yanında olacağıq. Türkiyənin siyasəti ilə bağlı çoxlu fərziyyələr və şərhlər var. Müttəfiqlər həmişə münaqişənin tez və sülh yolu ilə həllinə yönəliblər, buna heç kimin şübhəsi olmasın”, deyə qeyd edib.

www.anews.az