"Ukraynanı heç kim sındıra bilməz" - Zelenskidən yeni çıxış

Ukraynanı heç kim sındıra bilməz, bunu Ukraynanın Prezidenti Volodimir Zelenski Avropa Parlamentində onlayn çıxışında söyləyib.

""Hər meydan Azadlıq Meydanı olacaq. Bizi heç kim sındıra bilməz. Arzumuz övladlarımızın yaşamasıdır. Məncə, doğrusu budur, çünki dünən 16 uşaq dünyasını dəyişib. Və yenə Putin deyəcək ki, bu bir növ əməliyyatdır. Uşaqlarımız harada işləyir ki? Hansı tankları sürürlər? 

Əziz insanlar, bizim çox motivasiyalı xalqımız var, biz öz hüquqlarımız, azadlığımız, həyat üçün, indi isə sağ qalmaq üçün mübarizə aparırıq. Biz Avropanın bərabərhüquqlu üzvləri olmaq üçün mübarizə aparırıq. Bizimlə Aİ daha güclü olacaq. Gücümüzü sübut edəcəyik. Bizimlə olduğunuzu sübut edin, avropalı olduğunuzu sübut edin, onda həyat ölümə, işıq da qaranlığa qalib gələcək”, - dövlət başçısı vurğulayıb.