Rusiya və Ukrayna tərəfin sabahkı danışıqlardan - GÖZLƏNTİLƏRİ

Rusiya və Ukrayna xarici işlər nazirlərinin martın 10-da Antalyada görüşəcəkləri gözlənilir. Rəsmi Ankaranın təşəbbüsü ilə keçiriləcək görüşdə Türkiyənin xarici işlər naziri Mpvlud Çavuçoğlu da iştirak edəcək. 

Görüş qabağı tərəflər  bu danışıqlardan nə gözlədiklərini bəyan ediblər.


Dmitri Kuleba, Ukrayna xarici işlər naziri.


"Biz rusiyalı həmkarım, nazir Lavrovla danışıqlara hazırlaşırıq. Sabah onlar baş tutacaq. Biz onları mümkün qədər səmərəli şəkildə həyata keçirmək üçün indi çox ciddi işlər görürük. Amma açığını deyim ki, mənim danışıqlardan gözləntilərim çox deyil. Mən hansısa şişirdilmiş gözləntilərə malik deyiləm. Amma biz sözsüz maksimum dərəcədə nəticə əldə etməyə çalışacağıq. Biz atəşi dayandırmaq, ərazilərimizi azad etmək və  bütün humanitar məsələlərn həllinə nail olmaq niyyətindəyik.  Nəticə etibarilə nə əldə edəcəyimiz başqa sualdır, bu, digər məsələlərlə yanaşı, cənab Lavrovun bu danışıqlara hansı göstərişlərlə gəlməsindən asılıdır.Ümid edirəm ki, o, bu danışıqlara təbliğat niyyətilə deyil, xoş məramla,  həqiqətən də Rusiyanın başladığı bu müharibəni necə dayandırmaq yolunu axtarmaq  istəyi ilə  qatılacaq”.


Dmitri Peskov, Rusiya prezidentinin mətbuat katibi


"Rusiya tərəfi danışıqların davam etdirilməsində maraqlıdır və öz marağını hər zaman saxlamaqdadır. Rusiyanın mövqeyi son dərəcə aydındır və Ukrayna tərəfdən danışıqları aparan nümayəndələrin diqqətinə çatdırılıb. Ukrayna tərəfi hazır olan kimi biz yeni raundların keçirilməsinə başlaya bilərik.



www.anews.az