ABŞ Ukraynaya təyyarə göndərə bilməz - Cen Psaki
10.03.2022 13:36
ABŞ Almaniyadakı bazaları üzərindən polyak MiQ-29-ın Ukraynaya göndərilməsi fikrindən imtina edib.
"BŞ bazasından Ukraynaya təyyarələrin göndərilməsi Vaşinqton və NATO-nun maraqlarına uyğun deyil", - Ağ Evin mətbuat katibi Cen Psaki bildirib.
"Düşünürəm ki, burası aydındır və hərbi ekspert olmağa lüzum yoxdur ki, niyə bir təyyarənin ABŞ bazasından ölkənin müharibə gedən hissəsinə göndərilməsi bizim və NATOnun maraqlarına uyğun deyil” - deyə Psaki bildirib.
Daha əvvəl ABŞ dövlət katibi Entoni Blinken bildirmişdi ki, ABŞ Polşanın MiQ-29 qırıcılarını ABŞ-a təhvil verməklə Ukraynaya göndərmək istəməsinin səbəbini anlamır.
Bundan əvvəl Polşa MiQ-29 qırıcılarının Ukraynaya təhvil verilməsi ilə bağlı müstəqil qərar verə bilməyəcəyini bəyan edib.
"Təyyarələri özbaşına göndərə bilmərik, çünki bu, bütün NATO-nun qərarı olmalıdır. Bu, fövqəladə vacib qərardır”, - Polşanın Baş naziri Mateuş Moravetski bildirib.
ABŞ bəyan edib ki, döyüş təyyarələrinin tədarükü məsələsini indi müzakirə etməyə hazır deyil, çünki Rusiya bunu eskalasiya kimi qiymətləndirə bilər ki, bu da Rusiya, ABŞ və NATO arasında genişmiqyaslı müharibəyə gətirib çıxara bilər.
ABŞ müvəqqəti olaraq Polşada Patriot hava hücumundan müdafiə sistemlərini yerləşdirir.
Pentaqonun sözçüsü Con Kirbi bildirib ki, ABŞ Polşada müvəqqəti olaraq Patriot hava hücumundan müdafiə sistemlərinin batareyalarını yerləşdirir və onları "vaxtında” Almaniyaya qaytarmaq niyyətindədir.
Elnur Babayev
www.anews.az
Foto 
Video 
