Dünya Bankı pessimist proqnozlar verdi
18.04.2022 23:05
Dünya Bankı 2022-ci ildə qlobal iqtisadi artım proqnozunu 3,2%-ə endirib. Bu barədə The Business Times-ın Sinqapur nəşri Dünya Bankının prezidenti Devid Malpassdan sitat gətirərək yazıb.
Yanvarda Dünya Bankı dünya iqtisadiyyatının 4,1% artacağını proqnozlaşdırırdı.
Bu arada, 2021-ci ildə qlobal ÜDM artımı təxmin edilən 5,6%-dən 5,7%-ə kii qalxıb. Bu, resessiyadan sonrakı 80 ildə ən yüksək artım tempidir.
"Biz yaz toplantımızı bir-birinin ardınca gələn sərt böhranlar fonunda keçirmək məcburiyyətindəyik. Bu, koronavirus, inflyasiya və Rusiyanın Ukraynaya təcavüzüdür", Malpass bildirib.
Onun sözlərinə görə, bu amillər enerji, gübrə və ərzaq qiymətlərində qəfil sıçrayışlara səbəb ola bilər ki, bunlar da öz növbəsində dünyada yoxsulluq səviyyəsinin artması ilə nəticələnəcək.
Malpass əlavə edib ki, faiz dərəcələrinin yüksəlməsi isə iqtisadi artımı ləngidə və bərabərsizliyi gücləndirə bilər.
N.Təbrizli
www.anews.az
Foto 
Video 
