Əliyevin Qarabağ siyasətini tənqid etsək adamın ağzı əyilər - DEPUTAT

İlham Əliyevin Qarabağ siyasətini təndiq etmək vicdansızlıq olar, adamın ağzı əyilər. Bunu Milli Məclisin deputatı Razi Nurullayev Bu yaxınlarda partiya sədri Əli Kərimlinin iqtidar əlehinə səsləndirdiyi iradlara münasibət bildirərkən deyib.

"Bu yaxınlarda Əli Kərimli ağına-bozuna baxmadan müxalifətin, iqtidarın əleyhinə əsassız fikirlər səsləndirib.Daha qabağa gedərək 30 illik işğala son qoyan və bu gün də Qarabağda separatizmin kökünü kəsmək üçün ağır şərtlər altında siyasət quran Prezident İlham Əliyevi və hamımızı az qala xəyanətdə ittiham edir. O, Ukrayna xalqına alqış istəyir və deyir ki, onlar Rusiya ilə mübarizədə sınmırlar. Mən zaman-zaman bu hakimiyyətin daxili və bir sıra sosial siyasətini tənqid etsəm də, İlham Əliyevin Qarabağ siyasətini tənqid etmək vicdansızlıq olardı, adamın ağzı əyilər, Allah belə bu cür ədalətsiliyi götürməz axı”, - deputat bildirib.
 
"Azərbaycan ordusu niyə Xankəndinə girmədi və niyə Rusiya ilə müharibəyə başlamadıq? Deyir ki, biz dedik ki, Xankəndinə girmək lazımdır, amma sözümüzü dinləmədilər. Sən hansı qüvvənin, çəkinin və gizli məlumatın sahibisən ki, dediyin doğru olsun və sonra da yükün çəkə biləsən? Sən heç Elçibəydən qalan bir partiyanın bütövlüyün qoruya bilmədin, on yerə parçalandı, indi Azərbaycanı da beləcə parçalamaq niyyətiniz var. Bu təklifin mənası odur ki, Azərbaycan Rusiya ilə münaqişəyə girsin, münasibətlər pozulsun, Rusiya və İran Azərbaycana hücum etsin, Qərb isə sanksiyalar tətbiq etsin. Qarabağ təzədən əlimizdən çıxsın və sən də o qüvvələrdən biri ilə oynayıb hakimiyyətə gəlmək səyi göstərəsən. Bu cür düşüncə Azərbaycan xalqına xəyanətdir, şəhidlərimizin ruhunu təhqir etməkdir. Sən bu təkliflə Azərbaycanı 2008-ci ildə Gürcüstanın etdiyi səhvi təkrarlamağa sövq edirdin”, - millət vəkili vurğulayıb.
 
Deputat söyəyib ki, bu cür təxribatçı çıxışlara və təxribatçı siyasətçilərin fəaliyyətinə son qoyulmalıdır.
 
Gülnar Nazimqızı 
www.anews.az