Azərbaycanın Təbrizdəki Baş Konsulluğu qarşısında terror təşkilatının bayraqları asılıb-FOTO

Azərbaycanın Təbrizdəki Baş Konsulluğu qarşısında "Hüseyniyyun" terror təşkilatının bayraqları quraşdırılıb. Bu barədə məlumat sosial şəbəkələrdə paylaşılıb.

 

Xarici İşlər Nazirliyindən adının anonim olmasını istəyən nümayəndəsi məlumatı təsdiqləyib.

 

Yanvarın 27-də Tehranda yerləşən Azərbaycan səfirliyinə hücum olub. Hücum nəticəsində səfirliyin mühafizə rəisi Orxan Əsgərov şəhid olub. Səfirliyin digər iki əməkdaşı yaralanıb.
 
Hadisədən dərhal sonra Azərbaycanın Tehrandakı səfirliyi fəaliyyətini dayandırıb və səfirliyin əməkdaşları Azərbaycana təxliyə olunub. 
 
Azərbaycan prezidenti İlham Əliyev baş verən hadisəni terror adlandırıb və bildirib ki, İran hokuməti bu hadisə ilə bağlı ciddi işlər görmür. 
 
Terrorçunu bilavasitə zərəsizləşdirilməsində iştirak edən Vasif Tağıyev 1-ci dərəcəli "Rəşadət” ordeninə, təhlükəsizlik xidmətinin digər əməkdaşları Orxan Əsgərov  (ölümündən sonra) və  Mahir İmanov "Vətən uğrunda” medalına layiq görülüblər.  
 
Terror hadisəi ilə bağlı dünyanın 140 ölkəsindən Azərbaycana dəstək və başsağlı məktubları gəlib. 

 

 

 

Aytac Zeynalova