Dörd ayda pensiya ödənişlərinə 1 milyad 891 milyon manat vəsait yönəldilib
15.05.2023 12:33
Cari ilin yanvar-aprelində pensiya ödənişlərinə ötən ilin müvafiq dövrü ilə müqayisədə 14 faiz çox olmaqla 1 mlrd. 891 mln. manat vəsait yönəldilib. Bu barədə Əmək və Əhalinin Sosial Müdafiəsi Nazirliyi məlumat verib.
Məlumata görə, pensiyaların orta aylıq məbləği 18 faiz artaraq, 432 manata, yaşa görə pensiyaların orta aylıq məbləği 17 faiz artaraq, 465 manata çatıb.
Ötən il pensiyaçılara verilən maddi yardımlar bu ilin əvvəlindən onların pensiyaları tərkibinə daxil edilərək pensiyaları artırılıb. Həmin artım tətbiq edildikdən sonra pensiyaların 2022-ci il üzrə orta aylıq əməkhaqqının illik artım tempinə uyğun olaraq 14,7 faiz indeksləşdirilərək artırılması təmin edilib.
2023- cü ilin yanvar-aprelində 12,8 min, elektron pensiya təyinatına başlandığı 2019-cu ilin əvvəlindən isə 84,3 min pensiya təyinatı e-sistem üzərindən proaktiv qaydada həyata keçirilib.
2023-cü il dövlət büdcəsinin gəlirləri 30,7 milyard, xərcləri 33,3 milyard manatdır. Mövcud büdcə sənədinə əsasən, 2023-cü ildə dövlət büdcəsindən əməkhaqqı və pensiya ödənişləri daxil olmaqla 15,2 milyard manat sosial sahəyə yönəldiləcək. Bu ümumi büdcə xərclərinin 45,6 faizi deməkdir.
Aytac
www.anews.az
Foto 
Video 
