Aktiv vergi ödəyicilərinin sayı artıb
16.05.2023 17:57
Cari ilin mayında Azərbaycanda 1 442 086 vergi ödəyicisi uçotda alınıb, bu da ötən il eyni dövrüilə müqayisədə 6,1 % çoxdur. Bu barədə İqtisadiyyat Nazirliyi yanında Dövlət Vergi Xidməti məlumat yayıb.
Bildirilir ki, vergi ödəyicilərnin 87,3 %-i fiziki, 12,7 %-i isə hüquqi şəxslər və digər təşkilatlardır.
Məlumata görə, son 1 ildə fiziki şəxslərin sayı 5,6 %, hüquqi şəxslərin sayı isə 9,6 % artıb.
2022-ci ildə fəaliyyəti aktivləşmiş hüquqi şəxslərin sayı ötən ilin müvafiq dövrü ilə müqayisədə 22,6 faiz, fəaliyyəti aktivləşmiş ƏDV ödəyicilərinin sayı isə 16,9 faiz artıb.
Hesabat tarixinə dövlət qeydiyyatında olan kommersiya qurumlarının sayı 166 min təşkil edib, onlardan 104 095-nin fəaliyyəti aktiv olub. Kommersiya hüquqi şəxslərin 90,2 %-i məhdud məsuliyyətli cəmiyyət, 1,3 %-i səhmdar cəmiyyəti, 1,1 %-i kooperativ və s. formalarda yaradılıb.
Aytac
www.anews.az
Foto 
Video 
