ADY yük daşımalarının illik həcm proqnozunu açıqlayıb

"2022-ci ilin iyununda yükdaşımalarla bağlı müştərilər arasında sorğu keçirilib. Əsas problemlər daşıma müddəti və tariflərlə bağlı olub. Bu rəqəmin ilin sonuna kimi 15 günə endirilməsi ilə bağlı işlər aparılır. Tərəfdaşlarla aparılan danışıqlar əsasında fiks tarifin müəyyən edilməsinə nail olmuşuq. Daha sistematik qiymət siyasətinin və tarif formalaşması üzərində işlər aparılır", - ADY rəsmisi vurğulayıb.

"Azərbaycan Dəmir Yolları” (ADY) QSC 2022-ci ildə 2021-ci ilə nisbətən yarım milyon tondan çox artımla yük daşıyıb.

 

2022-ci ildə  Orta Dəhliz (TransXəzər Beynəlxalq Nəlqiyyat Dəhlizi) marşrutu üzrə 3,9 milyon ton yük daşıyıb.

Belə ki, 2022-ci ildə yükdaşıma həcminin artımı ilə bağlı tranzit daşımaları 2,9 mln ton artaraq 7,5 mln ton, ümumi daşıma 3,7 mln ton artaraq 18,7 mln ton təşkil edib.
 
2021-ci illə müqayisədə Şərq-Qərb dəhlizi üzrə yükdaşımalar 500 min ton artaraq 3.9 milyon ton, Şimal-Qərb dəhlizi ilə 2 milyon ton artaraq 2.9 milyon ton olub. Şimal-Cənub dəhlizi ilə yükdaşımalarda 90 % artım qeydə alınıb.Transxəzər beynəlxalq nəqliyyat marşrutu üzrə daşımalarda artım isə 41 % təşkil edib.

2017-2022-ci illərdə Bakı-Tbilisi-Qars (BTQ) dəmir yolu xətti ilə 1 milyon 347 min 585 ton, təkcə ötən il isə 432 min 284 ton yük daşınıb.

Ötən il daşınmış yüklərin 7,5 milyon tonu tranzit daşımaları olub. Bu isə əvvəlki ilə nisbətən 63 % çoxdur.