Azərbaycanda muzdla çalışan işçilərin sayı artıb
12.06.2023 12:32
Aərbaycanda 2023-cü il beş ayında muzdla çalışan işçilərin sayı ötən ilin eyni dövrü ilə müqayisədə 32,9 min nəfər artaraq 1734,2 min nəfər təşkil edib. Bu barədə Dövlət Statistika Komitəsi məlumat verib.
Çalışanlardan 901,1 min nəfəri iqtisadiyyatın dövlət sektorunda, 833,1 min nəfəri isə qeyri-dövlət sektorunda işləyib.
2023-cü ilin yanvarında Bakıda muzdla işləyənlərin orta aylıq nominal əmək haqqı 1 086,9 manat olub, bu da ötən ilin eyni dövründən 11,5 faiz çoxdur.
Prezident İlham Əliyev "Əhalinin sosial rifahının yaxşılaşdırılması sahəsində əlavə tədbirlər haqqında” Sərəncam imzalayıb. Sərəncamla 2023-cü il yanvarın 1-dən minimum aylıq əmək haqqının məbləği 15 faiz artırılaraq 300 manatdan 345 manata, minimum pensiya məbləği isə 16,7 faiz artırılaraq 240 manatdan 280 manata yüksəldilib.
Aytac Zeynalova
www.anews.az
Foto 
Video 
