Respublika üzrə tədarük olunan yaş barama istehsalının həcmi açıqlanıb
13.06.2023 15:23
Bugünədək kümçülər tərəfindən tədarük məntəqələrinə 328 ton yaş barama təhvil verilib və 41 rayonunda yaş barama tədarük olunur. Bu barədə Kənd Təsərrüfatı Nazirliyindən məlumat verilib.
2023-cü ildə respublika üzrə ən çox yaş barama Zərdab rayonunda tədarük olunub.
Zərdablı kümçülər tədarük məntəqələrinə 52,865 ton yaş barama təhvil veriblər. Ağcabədi (34,326 ton), Zaqatala (27,865 ton), Balakən (27,855 ton), Bərdə (20,982 ton), Tərtər (14,475 ton), Füzuli (10,361 ton), Lənkəran (9,818 ton), Sabirabad (9,287 ton), Ağdam (9,157 ton) və Yevlax (8.425 ton) ən çox yaş barama tədarük edən rayonlardır.
2021-ci ildə isə barama istehsalı 497.4 tona qədər artsa da, 2022-ci ildə isə 31 faiz azalaraq 341 ton olub.
Ötən ilin yanvar-noyabrında Azərbaycan cəmi 1.7 milyon ABŞ dolları dəyərində ipək ixrac edib. Dövlət Gömrük Komitəsinin məlumatına görə, bu, əvvəlki ilin eyni dövrü ilə müqayisədə 49.4 faiz azdır.
2022-ci ildə Azərbaycanın 40 rayonunda yaş barama tədarükü aparılıb.
Aytac Zeynalova
www.anews.az
Foto 
Video 
