Neftdən istifadənin azalacağı gözlənilir
14.06.2023 23:04
Beynəlxalq
Enerji Agentliyinin (BEA) təqdim etdiyi yeni hesabatda nəqliyyatda neftdən
istifadənin 2026-cı ildən sonra azalacağı bildirilir, eyni zamanda ümumi
istehlakın güclü neft-kimya tələbi ilə dəstəklənəcəyi də gözlənilir. Bu barədə
agentliyin rəsmi saytında məlumat verilib.
Məlumata əsasən,
qlobal neft tələbinin 2022-2028-ci illər arasında 6% artaraq gündəlik 105,7
milyon barrelə çatacağı proqnozlaşdırılır.
BEA-nın İcraçı Direktoru Fatih Birol neftdən istifadənin azalacağı
ilə bağlı məlumat verərək bildirib ki, təmiz enerji iqtisadiyyatına keçid hazırda sürətlənməkdədir.
"Təmiz enerji
iqtisadiyyatına keçid sürətlənir, elektrik nəqliyyat vasitələri, enerji səmərəliliyi
və digər texnologiyalar irəlilədikcə bu onilliyin sonuna qədər qlobal neft tələbinin
azalmasının pik həddə çatması gözlənilir” – Birol qeyd edib.
Neft və qazın kəşfiyyatı,
hasilatı və bu istiqamətdə qlobal sərmayələr 2015-ci ildən bəri ən yüksək səviyyəyə
çatmaq üzrədir və illik müqayisədə 11% artaraq 2023-cü ildə 528 milyard ABŞ
dollarına çatacağı gözlənilir.
Hesabatın proqnozlarına görə əsas neft istehsal edən ölkələrin tələb artımının
yavaşlamasına baxmayaraq, həmin
ölkələrin potensialı artırmaq planlarının da
davam etdirəcəyi güman edilir.
www.anews.az
Foto 
Video 
