İyulda Rusiya şirkətlərinin Azərbaycana biznes missiyası gələcək

Missiya Azərbaycanda İxracın və İnvestisiyaların Təşviqi Agentliyinin (AZPROMO) dəstəyi ilə "Ximqrad” SC (Tatarıstan) tərəfindən təşkil olunub.

Missiya sənaye parklarının və azad iqtisadi zonanın fəaliyyətini kimya sənayesi sahəsində iş adamı üçün yaradılmış şəraitlə yaxından tanış etmək, eləcə də xalçaçılıq sahəsi ilə yaxından tanış olmaq məqsədilə təşkil olunub.

 

Dövlət Gömrük Komitəsinin məlumatına görə, 2023-cü ilin yanvar-mayında Azərbaycanın ümumi xarici ticarət dövriyyəsinin 7,8%-ni Rusiya ilə ticarət əməliyyatları təşkil edib və Rusiya Federasiyası Azərbaycanın üçüncü xarici ticarət tərəfdaşı olub. 

Azərbaycan məhsullarının Rusiya Federasiyasına ixracı 470 milyon 147,19 min dollar (artım 73,4%) təşkil edib. Ümumilikdə, Rusiyaya tədarüklər Azərbaycan ixracının 2,92%-ni təşkil edib (Azərbaycan ixracının əsas istiqamətləri üzrə Rusiya 7-ci yerdədir).

Azərbaycana Rusiya məhsullarının idxalı 1 milyard 319 milyon 415,32 min dollar (artım 36,3%) təşkil edib. Azərbaycana mal idxalının ümumi həcmində Rusiyadan tədarüklərinin payı 19,29% təşkil edib (Rusiya Federasiyası Azərbaycana 1 nömrəli idxalçıdır).

Belə ki, Dövlət Gömrük Komitəsinin məlumatına görə, 2023-cü ilin yanvar-mayında Azərbaycanın Rusiya Federasiyası ilə ixrac-idxal münasibətlərində mənfi saldosu 849 milyon 268,13 min dollar təşkil edib.

2022-ci ilin sonuna Azərbaycan-Rusiya ticarət dövriyyəsi 3 milyard 710 milyon 239,41 min dollar (2021-ci ilin göstəricisindən +23,9%) təşkil edib.