Macarıstan Azərbaycandan qaz alacaq - Peter Szijarto

Yaxın vaxtlarda Macarıstan və Azərbaycan arasında yanacağın saxlanmasına görə müqavilə imzalanacaq. Bu barədə Macasıtanın xarici işlər naziri Peter Szijarto deyib. 

Nazir bildirib ki, Avropa İttifaqı hələ də Azərbaycandan qazın tədarükü üçün boru kəməri infrastrukturunun genişləndirilməsi üçün Mərkəzi və Cənub-Şərqi Avropa ölkələrinə dəstək göstərməyib. 

"Biz Aİ-ni gözləmirik: biz bu il Macarıstana qaz tədarük etməyə başlayacaq azərbaycanlı dostlarımızla bütün lazımi sazişləri bağlamışıq - Hətta 50 milyon kubmetr qazın saxlanmasına dair müqavilə imzalamağa yaxınıq”, - Szijjarto Facebook-da yazıb.

Macarıstanın naziri qeyd edib ki, hazırda Avropa ciddi enerji böhranı ilə üz-üzə qalıb. 

 "Brüsseldə verilən bir sıra yanlış qərarlar qiymətləri yüksəldib və bir çox hallarda təchizatın təhlükəsizliyi pozulub. Biz ölkəmizin enerji təhlükəsizliyi ilə bağlı əlimizdən gələni edirik. Azərbaycan diversifikasiya üçün ən bariz mənbələrdən biridir, lakin Cənub-Şərqi Avropanın qaz kəmərləri sistemi hələlik böyük həcmdə tədarüklərə imkan vermir”, - nazir vurğulayıb. 

İyunun 2-də Bakıda Macarıstanın MVM CEEnergy enerji şirkəti ilə SOCAR arasında 2023-cü ilin sonuna kimi 100 milyon kubmetr qaz tədarük edilməsi ilə bağlı müqavilə imzalanıb. Qazın həcminin 1-2 milyard kubmetrə qədər artacağı gözlənilir. 




www.anews.az