6 ayda əsas kapitala nə qədər vəsait qoyulub? - Statistika
12.07.2023 13:09
2023-cü ilin altı ayında əsas kapitala 7148,3 milyon manat vəsait qoyulub ki, bu da ötən ilin eyni dövrü ilə müqayisədə 10,4% çoxdur. Bu barədə Dövlət Staatistika Komitəsindən bildirilib.
Belə ki, bu dövr ərzində neft-qaz sektoruna 21,4%, qeyri neft sektoruna isə 4,2% investisiya yatırılıb.
"İstifadə olunmuş vəsaitin 4322,9 milyon manatı və ya 60,5 faizi məhsul istehsalı sahələrinə, 2426,6 milyon manatı (33,9 faizi) xidmət sahələrinə, 398,8 milyon manatı (5,6 faizi) isə yaşayış evlərinin tikintisinə sərf olunmuşdur. Əsas kapitala yönəldilmiş vəsaitlərin 5208,9 milyon manatını və ya 72,9 faizini daxili vəsaitlər təşkil etmişdir. Əsas kapitala yönəldilmiş vəsaitlərin 5048,7 milyon manatı və ya 70,6 faizi bilavasitə tikinti-quraşdırma işlərinin yerinə yetirilməsinə sərf olunub", - statistika açıqlamasında qeyd olunub.
Əsas kapitala yönəldilmiş vəsaitin ümumi dəyərində müəssisə və təşkilatların öz vəsaitləri 48,6 faiz, büdcə vəsaitləri 33,8 faiz, əhalinin şəxsi vəsaitləri 7,2 faiz, bank kreditləri 3,4 faiz, sair vəsaitlər isə 7,0 faiz təşkil edib.
www.anews.az
Foto 
Video 
