Beş ayda neçə nəfər ölüb?- STATİSTİKA
13.07.2023 12:27
2023-cü ilin yanvar-mayında Azərbaycanda 26 150 ölüm halı qeydə alınıb, bu da ötən ilin müvafiq dövrü ilə müqayisədə əhalinin hər 1 000 nəfərinə bu göstərici azalaraq 6,7-dən 6,2-yə düşüb. Bu barədə Dövlət Statistika Komitəsi məlumat yayıb.
Statistikaya görə, əhalinin son siyahıyaalınmasının nəticəsi əsasında hesablanmış əhalinin sayı bu ilin iyunun 1-i vəziyyətinə görə 10 148 057 nəfər təşkil edib.
Əhalinin 54,6 faizini şəhər, 45,4 faizini kənd sakinləri, 49,8 faizini kişilər, 50,2 faizini isə qadınlar təşkil edib.
Bildirilib ki, cari ilin yanvar-mayında ölkə üzrə 46 544 doğulan körpə qeydə alınıb və ötən ilin müvafiq dövrü ilə müqayisədə əhalinin hər 1000 nəfərinə bu göstərici azalaraq 12-dən 11,1-ə düşüb.
Doğulanlar arasında oğlan uşaqlarının xüsusi çəkisi 53,1 faiz, qız uşaqlarının xüsusi çəkisi isə 46,9 faiz olub. Doğulan körpələrdən 1360-ı əkiz, 72-si üçəm, 4-ü isə dördəm olub.
Aytac Zeynalova
www.anews.az
Foto 
Video 
