Ölkədə kənd təsərrüfatı məhsullarının istehsalı artıb
13.07.2023 13:38
2023 cü ilin altı ayında Azərbaycanda 5 milyard 865 milyon manat dəyərində kənd təsərrüfatı məhsulları istehsal edilib, bu da ötən ilin eyni dövrü ilə müqayisədə 3,4 % çoxdur. Bu barədə Dövlət Statistika Komitəsi məlumat yayıb.
www.anews.az
Son 1 ildə ölkədə istehsal edilmiş bitkiçilik məhsullarının dəyəri 3% artaraq 2 milyard 968 milyon manat, heyvandarlıq məhsulların dəyəri isə 3,7 % artaraq 2 milyard 897 min manat olub.
Cari ilin yanvar-iyununda quş əti də daxil olmaqla diri çəkidə 285,4 min ton ət, 1122,9 min ton süd, 1107,4 milyon ədəd yumurta, 14 min ton yun, 356,6 ton barama istehsal edilib, ötən ilin eyni dövrünə nisbətən ət istehsalı 3,1 %, süd istehsalı 2,7 %, yumurta istehsalı 12 %, barama istehsalı 5,1 % artıb, yun istehsalı isə 2,8 % azalıb", -məlumatda bildirilib.
2022-ci il üzrə istehsal olunan kənd təsərrüfatı məhsullarının faktiki qiymətlərlə ümumi dəyəri 10 milyard 984,2 milyon manat olub. Bunun 5 milyard 446,2 milyon manatlığı heyvandarlıq, 5 milyard 538 milyon manatlığı bitkiçilik məhsullarının payına düşüb.
Aytac Zeynalova
www.anews.az
Foto 
Video 
