Yalan məlumatlar yayan 10-a yaxın şəxslə profilaktik söhbətlər aparılıb- Elşad Hacıyev
20.09.2023 11:17
Ölkə daxilində əsassız, yalan məlumatlar yayan 10-a yaxın şəxs daxili işlər nazirliyinə dəvət olunaraq, onlarla profilaktik söhbətlər aparılıb. Bunu Daxili İşlər Nazirliyin Mətbuat Xidməti İdarəsinin rəisi Elşad Hacıyev sentyabrın 20-də Qarabağdakı antiterror tədbirləri ilə bağlı keçirilən brifinqdə deyib.
"Diqqət çəkən əsas məqam həmin məlumatların xaricə çıxaraq, erməni silahlı qüvvələri ilə əlaqəli olmasıdır. Ona görə vətəndaşlarımızdan xahiş edirik ki, sosial şəbəkələrdə yayılan informasiyalara diqqət etsinlər. Yayılan yalan məlumatlar qəsdən Azərbaycan da olan ictimai siyasi sakitliyə xələl gətirmək məqsədi daşıyır.
Bütün iddialarin kökündə yalan dayanır", - idarə rəisi əlavə edib.
Elşad Hacıyev vurğulayıb ki, Azərbaycanda ictimai-siyasi sabitlik, təhlükəsizlik ciddi şəkildə təmin olunur.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
