Bu günə qədər 140 min hektar ərazi minadan təmizlənib - Prezident

Bu günə qədər işğaldan azad olmuş rayonlarda 140 min hektara yaxın sahə 119 min 946 mina və partlamamış hərbi sursatdan təmizlənib. Bunu Azərbaycan Prezidenti İlham Əliyev Zəngilanda keçirilən "Minaların ətraf mühitə təsirinin azaldılması – Təhlükəsiz və yaşıl gələcək üçün resursların səfərbər olunması” mövzusunda beynəlxalq konfransın iştirakçılarına müraciətində deyib. 

 

O bildirib ki, minalanmış ərazilər minadan təmizlənən ərazilərdən daha genişdir. 

 

Prezident həmçinin bildirib ki, ərazilərin qısa müddətdə minalardan təmizlənməsi məqsədilə dünyada tətbiq olunan müasir və qabaqcıl texnologiyalardan istifadə edilir. 

 

Onun sözlərinə görə, torpaqların minalardan təmizlənməsi üçün beynəlxalq ictimaiyyətin adekvat siyasi və praktiki dəstəyi mühüm əhəmiyyət kəsb edir.

 

ANAMA tərəfindən 1991-ci ildən bu günə qədər 3440 mina qurbanı qeydə alıb ki, onlardan 358-i uşaq, 38-i qadınlardır.
 
Mayın 20-26-da işğaldan azad olunan 1 164.9 hektar ərazi minalardan təmizlənib. 
   
2023-cü il ümumilikdə Qarabağda 129 min 831 hektar ərazi minalardan təmizlənib. 
 
2020-ci il Vətən Müharibəsindən sonra 350 nəfər mina qurbanı olub. 
 
Azərbaycan hazırda dünyada minalardan əziyyət çəkən ilk 10 ölkə arasında yer alıb. 
 
Hazırda Qarabağda minaların təmizlənməsinə 4 özəl şirkət də cəlb olunub. Bundan əlavə, ANAMA ilə birgə Müdafiə Nazirliyi, Fövqəladə Hallar Nazirliyi, Dövlət Sərhəd Xidməti də ərazilərin təmizlənməsində iştirak edir.

 

Aygün