Ərdoğan Trampı tənqid edib
10.02.2025 11:41
Türkiyə prezidenti Rəcəb Tayyib Ərdoğan ABŞ prezidenti Donald Trampın fələstinlilərin Qəzza zolağından mümkün köçürülməsi ilə bağlı açıqlamalarına münasibət bildirib və onların öz torpaqlarında qalacaqlarını vurğulayıb. Bu barədə Türkiyə lideri jurnalistlərə açıqlamasında deyib.
"Heç kim Qəzzə xalqını əzəli və dəyişməz vətənlərindən çıxara bilməyəcək. Qəzza, İordan çayının qərb sahili və Şərqi Qüds də daxil
olmaqla Fələstin fələstinlilərə məxsusdur. Qəzza xalqı 471 gündür ki, İsrailin bütün qəddarlıq və təcavüzlərinə baxmayaraq, öz torpaqlarında qalmağa, Qəzzada yaşamağa və onu müdafiə etməyə davam edir”, - Ərdoğan bildirib.
Fevralın 5-də Tramp fələstinlilər oradan qonşu ölkələrə, xüsusilə Misir və İordaniyaya köçürüldükdən sonra Qəzza zolağına nəzarəti ələ keçirmək niyyətində olduğunu açıqlayıb. İsrailin baş naziri Benyamin Netanyahu ilə keçirdiyi mətbuat konfransında o, ABŞ-ın regionun bərpasına və iş yerlərinin yaradılmasına, həmçinin partlamamış hərbi sursat və digər silahlardan yaranan təhlükənin aradan qaldırılmasına cavabdeh olacağını vəd edib.
Gülnar
www.anews.az
Foto 
Video 
