İstanbulda baş verən zəlzələdə 240-a yaxın şəxs xəsarət alıb - Yenilənib

İstanbul və ətrafında baş verən zəlzələ nəticəsində 240-a yaxın Türkiyə vətəndaşı xəsarət alıb.Bu barədə Türkiyənin səhiyyə naziri Kamal Memişoğlu Təbii Fəlakət və Fövqəladə Halların İdarə Edilməsi Agentliyinin (AFAD)operativ qərargahında məlumat verib.

Onun sözlərinə görə, yaralıların əksəriyyətinin xəstəxanaya yerləşdirilməsinə ehtiyac olmayıb, onlara yerindəcə köməklik göstərilib:

“Zəlzələ nəticəsində ümumilikdə 236 vətəndaşımız xəsarət alıb. Əsasən insanlar təşviş içində evlərindən çölə çıxan zamanı xəsarət alıblar. Onlardan 173-ü birbaşa İstanbuldadır”.

***

İstanbulda baş verən silsilə zəlzələdən sonra afterşoklar müşahidə olunur.Bu barədə AFAD məlumat yayıb.

Məlumata görə, saat 17:55-də 3,5 maqnitudalı daha bir afterşok baş verib.

Zəlzələnin ocağı 14,58 kilometr dərinlikdə yerləşib.

14:06

İstanbulda ardıcıl iki zəlzələ olub.

Bu barədə Türkiyənin "Haber Global" kanalı məlumat yayıb.

Bildirilib ki, birinci zəlzələ 3,9, ikincisi isə 6,2 maqnitudada olub.