Azərbaycanın axtarışa verdiyi iş adamı Ermənistanda həbs olunub

Rus-erməni biznesmen Samvel Karapetyan hakimiyyəti ələ keçirmək  üçün ictimai çağırışlar etməkdə ittiham olunub. Bu barədə Ermənistan mətbuatı yazıb. 

"O, bunu qəbul etmir, onu əsassız və qanunsuz ittiham hesab edir. Hazırda istintaq şöbəsindədir, həbsi ilə bağlı yaxın günlərdə Avan Məhkəməsinə vəsatət veriləcək", - vəkil bildirib. 

Samvel Karapetyan ötən gecə həbs edilib, bu gün isə İstintaq Komitəsinə aparılıb.

Karapetyan haqqında  28 aprel 2021-ci il tarixdə Baş Prokurorluqda Cinayət Məcəlləsinin müvafiq maddələri ilə cinayət işi başlanılmaqla istintaqın aparılması Baş Prokurorluğun İstintaq idarəsinə həvalə edilib. 

Baş Prokurorluq bəyan edir ki, qeyd edilən və bu kimi digər cinayət faktlarına görə təqsirkar şəxslərin beynəlxalq hüquq normalarına əsasən məsuliyyətə cəlb edilməsindən ötrü mümkün olan bütün tədbirlərin görülməsi davam etdirilir.

Gülnar