Ölkəyə idxal edilən kərə yağının qiyməti bahalaşıb

2025-cü ilin yanvar-iyulunda Azərbaycana 113 milyon 648 min ABŞ dolları dəyərində 16 min 633.8 ton kərə yağı idxal edilib. Bu da ötən ilin eyni dövrü ilə müqayisədə  həcm baxımından 576.5 ton artıb. Bu barədə Dövlət Gömrük Komitəsi məlumat yayıb.

Ölkəyə idxal edilən kərə yağının 1 kiloqramının orta qiyməti illik müqayisədə 28.9% artaraq 11.60 manat təşkil edib.

Cari ilin yeddi ayında ölkədə 15 min 567.6 ton kərə yağı istehsal edilib. 

Hesabat dövründə Azərbaycanda idxal kərə yağının orta satış qiyməti 24.06 manat, yerli kərə yağının isə orta satış qiyməti 21.10 manat təşkil edib.

2023-cü ildə Azərbaycandan 7 milyon ABŞ dolları dəyərində kərə yağı ixrac edilib.

Ötən il Azərbaycanda 29 min 64.2 ton kərə yağı istehsal edilib.

Dünyada kərə yağı qiymətləri ardıcıl olaraq artmaqda davam edir. Bu barədə BMT-nin Ərzaq və Kənd Təsərrüfatı Təşkilatı (FAO) məlumat yayıb.

FAO həmçinin bildirib ki, taxıl məhsulları qiymət indeksi bir ayda 2,7% azalıb, düyünün qiyməti 4%, şəkərin qiyməti isə 2,4% aşağı düşüb. Qlobal qarğıdalı qiymətləri isə sabit qalıb.
Ötən il Azərbaycanda 29 min 64.2 ton kərə yağı istehsal edilib.

Aytac