Rumıniyada “Lukoil” zavodunda partlayış olub, bir nəfər xəsarət alıb

Oktyabrın 20-də Rumıniyanın Ployeşti şəhərində yerləşən “Petrotel Lukoil” neft emalı zavodunda partlayış baş verib. Bu barədə Digi24 telekanalı xəbər verib.

Fövqəladə hallar xidməti bildirib ki, partlayışdan sonra yanğın olmayıb.

Hadisə nəticəsində 57 yaşlı kişi baş və ayaq nahiyəsindən xəsarət alıb və xəstəxanaya yerləşdirilib.

Yerlı KİV-in məlumatına görə, zavodda son günlər əsaslı təmir işləri aparılırdı.

N.Təbrizli