Netanyahu Qəzzaya hücum əmri verib

İsrailin Baş naziri Binyamin Netanyahu Qəzza zolağına genişmiqyaslı zərbə endirilməsi barədə əmr verib.Bu barədə İsrail Baş nazirinin mətbuat xidmətindən məlumat verilib.

"Təhlükəsizlik məsələri üzrə məsləhətləşmələrin başa çatmasından sonra Baş nazir hərbi rəhbərliyə dərhal Qəzza zolağına güclü zərbələr endirməyi əmr edib", - deyə bildirilib.

İsrail televiziyasının 12-ci kanalının məlumatına əsasən, Baş nazir bu qərarı təhlükəsizlik qüvvələri ilə görüş zamanı HƏMAS hərəkatının silahlılarının Qəzza zolağının cənubundakı Rəfah bölgəsində İsrail əsgərlərinə atəş açaraq atəşkəsi pozduqdan sonra verib.