ABŞ-də təyyarə təcili eniş edib - 15 sərnişin xəsarət alıb

“JetBlue” aviaşirkətinə məxsus təyyarə hündürlüyün kəskin şəkildə azalması səbəbindən Floridada təcili eniş etməli olub.Bu barədə “Associated Press” xəbər verir.

Hadisə nəticəsində 15 sərnişin xəsarət alıb.

Təyyarənin Meksikanın Kankun şəhərindən ABŞ-nin Nyu-Cersi ştatının Nyuark şəhərinə reys həyata keçirdiyi bildirilir.

162 yerlik “Airbus A320” təyyarəsində neçə nəfərin olduğu barədə məlumat yoxdur.

Təyyarə artıq istismardan çıxarılıb. Hadisənin səbəbini müəyyən etmək üçün araşdırma başlanılıb.