Trampın rüsumları “Qara cümə” ənənələrini sarsıdıb

ABŞ-da bir çox şirkətləri prezident Donald Trampın tətbiq etdiyi idxal rüsumları səbəbindən “Qara cümə” endirimlərini azaltmağa və ya tamamilə ləğv etməyə başlayıb.

Bloomberg xəbər verir ki, bir sıra məhsullar üzrə istehsal xərclərinin artması şirkətlərin qiymət endirimi imkanlarını məhdudlaşdırıb.

“Rüsumlara görə məhsulların maya dəyəri çox yüksəkdir, endirim etmək artıq sərfəli deyil,” – Upstream Brands şirkətinin rəhbəri Den Peskors bildirib.

Ekspertlərin fikrincə, bir çox şirkətlər ilk rüsum dalğası ilə mübarizə aparmağa nail olsalar da, indi əvvəlki səviyyədə endirim təklif etmək imkanı yoxdur.

AlixPartners şirkətindən Sonya Lapinski qeyd edib ki, mövcud tariflər mövsümi endirimlərin miqyasını ciddi şəkildə məhdudlaşdırır.

N.Təbrizli