Çin alimləri ilk dəfə bitkilərdə nadir torpaq metalları aşkar ediblər

Çin Elmlər Akademiyasının Quançjou Geokimya İnstitutunun alimləri dünyada ilk dəfə olaraq canlı bitkilərdə nadir torpaq elementləri (NTE) aşkar ediblər. Bu barədə məlumatı China Daily yayıb.

Tədqiqat zamanı bu hadisə Blechnum orientale adlı həmişəyaşıl qıjı növündə müşahidə edilib.

Bitkinin toxumasında lanthan tərkibli monasit-(La) mineralları əmələ gəlib.

Alimlərin sözlərinə görə, qıjı “bioloji tozsoran” kimi davranaraq torpaqdan nadir torpaq elementlərini udur və onları təhlükəsiz nanokristal formalı fosfat minerallarına çevirir.

Tədqiqatçılar hesab edirlər ki, bu kəşf gələcəkdə ekoloji cəhətdən təmiz metal hasilatı üsullarının inkişafına yol aça bilər.

Bu metallar dünya üzrə yüksək texnoloji sənayelərdə artan tələbat fonunda strateji resurs hesab olunur.

N.Təbrizli